Psa 54 | Vulgate_HebPs | STEP | victori in psalmis eruditi David

Psalms 54

1 victori in psalmis eruditi David 2 exaudi Deus orationem meam et ne dispicias deprecationem meam 3 adtende mihi et exaudi me humiliatus sum in meditatione mea et conturbatus 4 a voce inimici a facie persequentis impii quoniam proiecerunt super me iniquitatem et in furore adversabantur mihi 5 cor meum doluit in vitalibus meis et terrores mortis ceciderunt super me 6 timor et tremor venit super me et operuit me caligo 7 et dixi quis dabit mihi pinnas columbae ut volem et requiescam [ (Psalms 54:8) ut procul abeam et commorer in deserto semper ] [ (Psalms 54:9) festinabo ut salver ab spiritu tempestatis et turbinis ] [ (Psalms 54:10) praecipita Domine divide linguas eorum quoniam vidi iniquitatem et contradictionem in civitate ] [ (Psalms 54:11) die et nocte circumeuntes muros eius scelus et dolorem in medio eius ] [ (Psalms 54:12) insidiae in vitalibus eius et non recedet de plateis eius damnum et fraudulentia ] [ (Psalms 54:13) non enim inimicus exprobravit mihi ut sustineam neque is qui me oderat super me magnificatus est ut abscondar ab eo ] [ (Psalms 54:14) sed tu homo unianimis meus dux meus et notus meus ] [ (Psalms 54:15) qui simul habuimus dulce secretum in domo Dei ambulavimus in terrore ] [ (Psalms 54:16) veniat mors super eos descendant in infernum viventes quia nequitiae in congregatione eorum et in medio eorum ] [ (Psalms 54:17) ego ad Deum clamabo et Dominus salvabit me ] [ (Psalms 54:18) vespere et mane et meridie eloquar et resonabo et exaudiet vocem meam ] [ (Psalms 54:19) redimet in pace animam meam ab adpropinquantibus mihi multi enim fuerunt adversum me ] [ (Psalms 54:20) exaudiet Deus et humiliabit eos qui iudex est ab initio semper non enim mutantur neque timent Deum ] [ (Psalms 54:21) extendit manum suam ad pacifica sua contaminabit pactum suum ] [ (Psalms 54:22) nitidius butyro os eius pugnat autem cor illius molliores sermones eius oleo cum sint lanceae ] [ (Psalms 54:23) proice super Dominum caritatem tuam et ipse enutriet te non dabit in aeternum fluctuationem iusto ] [ (Psalms 54:24) tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui ]